Popular Bible Verses from MARCOS 4

Share

Huajca Jesús mejtiquisqui huan quitlacahualti nopa ajacatl huan quiilhui hueyi atl: ―Amo ximolini, san xielto. Huan nopa ajacatl moquetzqui huan nopa hueyi atl ayacmo mojmolini. Huajca Jesús quinilhui imomachtijcahua: ―¿Para tlen nelía anmajmahuij? ¿Amo anquineltocaj catli hueli nijchihua?

Huan nelía imomachtijcahua pejque quiimacasque huan moilhuijque se ica seyoc: ―¿Ajqueya nelía ni Jesús? Hasta nopa ajacatl huan hueyi atl quineltocaj icamanal.

Huan Jesús cochtoya iniica ipan cuaacali, motzontectoya ipan se piltzontetontzi. Huajca imomachtijcahua quiixitijque huan quiilhuijque: ―¡Tlamachtijquetl! ¿Amo timotequipachohua pampa timisahuíaj?

Nojquiya Jesús quinilhui: “Ximotlachilica quenicatza anquicaquij. Sintla anquicaquij huan anquineltocaj quentzi, huajca anquimachilise san quentzi. Pero sintla anquicaquij cuali huan anquineltocaj nochi, huajca cuali anquimachilise. Huan hasta noja más Toteco anmechpalehuis xijmachilica.

Jesús nojquiya quinilhui: “Moscaltía ininmiyaca nopa masehualme catli Toteco quinnahuatía masque amo aqui momaca cuenta. Eltoc quen se tlacatl catli quiijtzelohua xinachtli ipan tlali. Yaya cochis ica tlayohua huan mehuas ica ijnaloc. Panos se ome tonali huan teipa nopa xinachtli ixhuas huan moscaltis, pero nopa tlacatl amo quimati quenicatza moscalti.

Nochi amojuanti ya antechcactoque, huajca xijneltocaca catli nimechilhuía.”