huajca quiilhui:
―Xiya huan ximoteca. Huan sintla sempa mitznojnotzas, huajca xiquijto: ‘TOTECO, techilhui tlaque tijnequi pampa nimotequipanojca huan nimitzcactoc.’
Huajca quej nopa Samuel yajqui huan motejqui sempa.
Huan TOTECO hualajqui sempa, huan moquetzqui nopona huan quinojnotzqui quen achtihuiya. Huan quiilhui:
―¡Samuel, Samuel!
Huajca Samuel quinanquili:
―TOTECO, techilhui tlaque tijnequi pampa nimotequipanojca huan nimitzcactoc.