Popular Bible Verses from Efesios 2

Share

Canaꞌ naca quiero, como danꞌ ta bë Diuzi banaoro xneza Cristo Jesús banuelëro lëbëꞌ tuz̃e. Canaꞌ bënëꞌ quiero cuenda huero tadyaꞌa cabëꞌ unanëꞌ quiero huero dza naꞌte.

Como taz̃e nedyëꞌë Diuzi raꞌo, canaꞌ bënëꞌ ta gataꞌ yelaꞌ neban quiero tuzioli. Cala por nun quie danꞌ bi huero cuinro, naꞌ gun Diuzi raꞌo yelaꞌ neban quiero tuzioli, dechanꞌ ta gunzi Diuzi raꞌo ca regalo por nun quie z̃iꞌinëꞌ. Como binacan por nun quie danꞌ bi huero cuinro, naꞌ gun Diuzi raꞌo yelaꞌ neban quiero tuzioli, quie lenaꞌ bide bi huero ta huero cuinro benꞌ z̃e lao Diuzi.

Pero taz̃e beyëchiꞌlaꞌadyiꞌ Diuzi raꞌo. Tanto nedyëꞌënëꞌ raꞌo bënëꞌ tacuenda gataꞌ yelaꞌ neban quiero tuzioli caora cati psebannëꞌ Cristo. Canaꞌ bënëꞌ quiero dza naꞌte laꞌacazi nenacaro ca benꞌ huati, neyuꞌuro pensari mala unabëꞌ dulaꞌ xquia quiero raꞌo. Yelaꞌ benꞌ huen quie Diuzi bënëꞌ ta gataꞌ yelaꞌ neban quiero tuzioli.

Canaꞌ naca quiero ca quie benꞌ apseban Diuzi cabëꞌ psebannëꞌ Cristo. Canaꞌ naca quiero yedyinro cueꞌlëro inabëꞌlëro Cristo guibá.

Quie lenaꞌ bira nacale ca quie tu benꞌ zaꞌ yedyi zituꞌ, benꞌ bdyin ga binaca yedyi quie, dechanꞌ banadele cuenda lao Diuzi naꞌa lële yaca los demás benꞌ nao xneza Cristo. Banacale familia quie Diuzi. Naca quiero ca quie tu yuꞌu besu de yo. Naca yaca benꞌ apóstol len yaca los demás benꞌ profeta ca quie ga rzulao besu. Leꞌe nacale ca quie yo rucuaꞌjëꞌ besu. Naca cuin Jesucristo ca quie yo belao rbëchiyaquëꞌ ga rzulao bezu.