Popular Bible Verses from 1 Pedro 3

Share

San cheyaḻa' gonxencho Criston' ḻo' lažda'ochon', ḻe naque' X̱ancho. Na' bate'teze cheyaḻa' soacho probnidw cont yoži'icho xtiža' beṉe' še yeseṉabde' chio' bixc̱hen' zoacho lez šjayzoacho len Diosen' toḻi tocaṉe. Na' cheyaḻa' gapcho ḻegaque' bala'aṉ na' güe'lenchone' diža' šagüe'. Tža tža cheyaḻa' goncho cont ṉezecho ḻo' yic̱hjlažda'ocho bibi doḻa' napcho len Diosen'; nachen' cate' yesezi'diže' chio' da' chejnilaže'cho Criston', yesacbe'ede' ḻe choncho güen na' yesacde' zto'.

Ḻe X̱ancho Diosen' chgüia chṉe'e beṉe' ca' cheson da' zej to ḻicha, na' chzenague' c̱hegaque' cate' chosoḻ güiže'ne'. San beṉe' ca' cheson da' xiṉj, Diosen' ngüie' gone' cont yesezaca'zi'e.

Na' le'e no'ole, bi ṉacho naquen da' žialao gon cuinḻe xdan yopa'a no yic̱hjle, gwguaḻa' yenḻe no bga', gwguaḻa'le no ret, co'ole no niy de oro, na' c̱hazle lache' šagüe'. Dan' nac da' žialao, gac lažda'olen' güen, ḻa'czḻa' nono chle'e ḻen. Zaca'chguan len Diosen' gaccho beṉe' nex̱jwlaže' na' beṉe' xenḻaže', ḻe bi te c̱he yic̱hjlažda'ochon'.

Goncho ca' ḻe nyojen, žan: Beṉe' chaclaže' soa cueze' mbalaz, cheyaḻa' gwsaque' bich güe'e bite'teze diža' mal, na' gwsaque' bich güe'e bite'teze diža' güenḻaže'. Cheyaḻa' cuejyic̱hje' yogo' da' mal na' gone' da' güen. Cheyaḻa' cuec yic̱hje' gone' con ga zelao saque'de' cont soe' binḻo len beṉe' ḻježe'.

Yogo'cho cheyaḻa' goncho toze xbab na' cheyaḻa' yeyaše'cho ḻo' lažda'ochon' še bi da' chac c̱he beṉe' ḻježcho. Cheyaḻa' gaque ḻježcho do laže'cho ca beṉe' biše' ḻjezcho, na' cheyaḻa' gaccho beṉe' šagüe' len beṉe' ḻježcho na' bi gon cuincho beṉe' xen. Še bi da' mal cheson beṉe' len chio', bi ṉacho ḻecze da' mal yebi'icho len ḻegaque'. Na' še beṉe' chesezi'diže' chio', bitw yoži'icho dižan' nac ca' len ḻegaque', san ṉabcho gac da' güen c̱hegaque'. Ḻe Diosen' ba gwleje' chio' cont goncho ca' na' cont goṉe' latje soacho mbalaz.

Na' nono zoa no gone chio' mal še zoatezcho choncho da' güen do yic̱hj do laže'cho.

Cheyaḻa' cuejyic̱hje' yogo' da' mal na' gone' da' güen. Cheyaḻa' cuec yic̱hje' gone' con ga zelao saque'de' cont soe' binḻo len beṉe' ḻježe'.

Yejṉi'a saca'zi'cho ṉec̱he choncho da' güen, še can' chaclaže' Diosen' gac c̱hecho, clel ca saca'zi'cho ṉec̱he choncho da' xiṉj.