Chacda' le'e beṉe' migw, na' chṉeyoeda' le'e ḻe gon xbab ḻe yežlio nga bi naquen lažle. Da'nan' bitw gonḻe bite'teze da' xiṉj da' žan gonḻe len cuerp c̱helen', ḻe še gonḻen, gwžonen soa yic̱hjlažda'olen' binḻo len Diosen'. Ḻe soa ḻe gon da' güen cont beṉe' ca' bi chesejnilaže' Diosen' yesele'ede' da' güen da' chonḻe, na' ḻa'czḻa' ṉa'a chesezi'diže' le'e chesene' chonḻe clele, žin ža yesele'ede' chonḻe da' güen na' yesonxene' Diosen' cate' žin ža c̱hogbi'en nac gac c̱he to toe'.