Popular Bible Verses from 2 Timoteo 2

Share

Caꞌne̱j nucua̱j nimán so̱ꞌ, ga̱a ne̱ caꞌve̱e cata̱j Yaꞌanj se vaa síí veꞌé ꞌyaj se‑su̱u̱n soꞌ mé so̱ꞌ, ne̱ se̱ cunó chrej naꞌa̱j rihaan so̱ꞌ cheꞌé suun ꞌyáá so̱ꞌ maꞌ. Tana̱nj nata̱ꞌ nica̱ so̱ꞌ snana̱ Yaꞌanj nana̱ ya̱ ado̱nj.

Tza̱j ne̱ se̱ caꞌvej rá so̱ꞌ qui̱ꞌyáá so̱ꞌ nda̱a vaa me rá nij síí tachru̱u̱ quiꞌya̱j nij soꞌ maꞌ. ꞌO̱ gu̱un rá so̱ꞌ qui̱ꞌyáá so̱ꞌ se sa̱ꞌ ni̱ꞌyaj Yaꞌanj á. Ga̱a̱ nucua̱j rá so̱ꞌ man soꞌ á. Ga̱a̱ ꞌe̱e̱ rá so̱ꞌ tuvíꞌ so̱ꞌ á. Dínj ca̱yáán so̱ꞌ ga̱ ꞌó nij síí sa̱ꞌ nimán nij síí achíín niꞌya̱j rihaan Síí ꞌNi̱j Raꞌa man níꞌ á.

Ne nó xcúún síí ꞌyaj se‑su̱u̱n Síí ꞌNi̱j Raꞌa man níꞌ cano̱ tuviꞌ soꞌ da̱nj maꞌ. Tana̱nj veꞌé quiꞌya̱j soꞌ cheꞌé cunuda̱nj yuvii̱, ne̱ veꞌé tu̱cuꞌyón soꞌ, ne̱ na̱j ga̱a̱ nimán soꞌ

Sese se̱ gaa sa̱ꞌ rá níꞌ ga̱ soꞌ, tza̱j ne̱ soꞌ me se sa̱ꞌ ina̱nj rá soꞌ ga̱ níꞌ uún a. ꞌO̱ se se̱ caꞌvee naquiꞌya̱j ino̱ soꞌ snana̱ soꞌ a̱ maan ado̱nj. Nana̱ ya̱ cuno̱ níꞌ me nu̱ꞌ nana̱ nihánj na̱nj á.

ne̱ veꞌé ti̱haa̱n soꞌ chrej sa̱ꞌ man nij síí me rá cano̱ tuviꞌ ga̱ soꞌ uún a. ꞌO̱ se xcaj soꞌ cuentá se vaa xraj ne̱ caꞌve̱e ra̱cuíj Yaꞌanj man nij soꞌ, ne̱ nuchra̱nꞌ nimán nij soꞌ cheꞌé cacunꞌ tumé nij soꞌ, ne̱ nari̱ꞌ nij soꞌ nana̱ ya̱ a.

Se̱ nanó xre̱j so̱ꞌ nana̱ nij do̱ꞌ, nana̱ u̱u̱n do̱ꞌ, aꞌmii aꞌmii rmaꞌa̱n taꞌa̱j yuvii̱ maꞌ. ꞌO̱ se nana̱ vaa da̱nj roꞌ ꞌyaj se vaa uun yaníj doj yuvii̱ ga̱ Yaꞌanj a.