Popular Bible Verses from Romanos 3

Share

Llapan nunakunam jutsayuq kar Teyta Diospa nöpanman chëta puëdiyantsu. Tsënö këkashqapis Jesucristo rantimashqam Teyta Dios ankupäkuq kar perdonamantsik.

Jesucristuman markäkushqam Teyta Dios perdonamarnintsik pï kashqapis salvamantsik.

Tsënö perdonamantsik Jesucristo noqantsik rëkur sacrificiu kar yawarninta ramashqan rëkur pëman markäkushqam. Tsënöpam Teyta Dios musyatsimantsik alli juzgakuq juez kashqanta. Unëpitanam nunakuna jutsayuq kayaptinpis Teyta Dios castigarqantsu. Tsënö castigarqantsu nunakunapa rantin Jesucristuta cruzchö castigananpaq karmi. Tsënöpam käyitsimantsik alli juzgakuq juez kashqanta y Jesucristuman markäkuqkunata perdonashqanta.

Teyta Diospa leyninkunata cumplishqanwanqa manam pipis jutsankunapita perdonashqatsu kanqa. Teyta Diospa leyninkunaqa manam salvamänantsikpaqtsu këkan, sinöqa jutsayuq kashqantsikta käyitsimänantsikpaqmi.

Teyta Diospa palabranchöpis kënömi qellqarëkan: <<Manam jukllëllapis jutsannaqqa kantsu. Pipis manam käyikuntsu. Pipis manam Teyta Diosta ashintsu. Llapanmi jutsata rurayan. Llapanpis mana allikunatam rurayan. Pipis manam kantsu allita ruraqqa. Ni jukllëllapis manam kantsu.

Tsëmi kënö nï: Manam leyninkunata cumplishqantsikpitatsu Teyta Dios salvamarquntsik, sinöqa Jesucristuman markäkushqantsikpitam salvamarquntsik.

Ama tsënö yarpäshuntsu. Pëqa nunakuna uli kayaptinpis llapan änikushqankunatam cumplin. Teyta Diospa palabranchöpis kënömi qellqarëkan: <<Nishqëkita cumplirmi rasun kaqchö juzguëkämanki. Juzgamaptiki imanö tsapakïtapis manam puëdïtsu>>.