Popular Bible Verses from Marcos 10

Share

Nunapa Tsurinpis manam sirwishqa kananpaqtsu shamushqa, sinöqa sirwinanpaqmi y nunakuna rëkur wanur atskaqta salvananpaqmi>>.

Pëkunata rikärirnam Jesús nirqan: <<Nunakuna salvakunanpaqqa alläpa sasam këkan. Tsënö kaptinpis Teyta Diospaqqa imapis manam sasatsu>>.

Jesúsnam nirqan: <<Kanan ewkïna. Markäkamushqëkipitam nawiki rikanqana>>. Tsënö niptinmi tsë höra nawin rikachakurirqan. Tsënam Jesúspa qepanta ewkurqan.

Tsëmi Teyta Dios juntashqantaqa pipis rakinmantsu>>.

Tsëmi Jesús rikärir ankuparnin nirqan: <<Jukran pishin cumplinëkipaq. Llapan kapushunqëkikunata rantikïkur tsë qellëta waktsakunata qoykï. Tsënö ruraptikiqa ciëluchömi riquëzëki kanqa. Tsëpita [cruznikita katarkur] qatimë>>.

Jesúsnam tapurqan: <<¿Imachö yanapanaqtataq munanki?>> nir. Wiskunam nirqan: <<¡Nawï rikänantam munallä, rabí!>>

Qamkunachöqa manam tsënö kanmantsu. Mëqëkipis mandakuq këta munarqa sirwikuqnölla nuna mayikikunata yanapayë.

Rasunpam niyaq: Pipis Teyta Diospa mandakïninta wamranö mana chaskikurqa manam pëpa mandakïninman yëkunqatsu>>.

Atskaqmi precisaq kaqkuna manakaqpaq churashqa kayanqa. Manakaqpaq churashqa kaqkunanam precisaq kayanqa>>.

Teyta Diosqa kë patsata kamar ollquta y warmitam kamarqan. Tsëmi mamäninpita tëtanpita ollqu yarqukun warminwan mana rakikëpa täkuyänanpaq. Warminwan täkurnam jukllëllanöna kayanqa. Tsënö këkaptinqa mananam ishkaqnatsu kayan, sinöqa jukllëllanönam.