Popular Bible Verses from Mateo 24

Share

Mëtsëchöpis jutsata rurar kawakurmi manana kuyanakuyanqanatsu. Tsënö kaptinpis wanuyashqanyaq markäkuqkunaqa salvashqam kayanqa.

Teyta Diospa mandakïninpa alli willakïninta mëtsë nacionkunachöpis willakuriyaptinran kë patsa ushakanqa.

Guërra kaptinpis y guërra kananpaq kashqanta musyarpis ama mantsakäyankitsu. Puntataqa tsëkunaran kanqa. Tsënö kaptinpis kë patsaqa manaran ushakanqaraqtsu.

Juk nacionmi juk nacionwan guërrata rurayanqa y juk marka nunakunam juk marka nunakunawan wanutsinakuyanqa. Tsënöllam [pestipis,] muchïpis, temblorpis jinantinchö kanqa. Tsë jipakïkunaqa kanqa qallananllaran.

Ciëluwan kë patsa ushakaptinpis noqa nishqäkunaqa manam ushakanqatsu.

Atskaqmi shutïchö shayämunqa <noqam Cristo kä> nir. Tsënö nirmi atskaq nunakunata engañayanqa.

<<Tsë witsanmi jipatsiyäshunki y wanutsiyäshunki. Noqa rëkurmi pïmëpis chikiyäshunki. Tsënö jiparmi markäkuyanqanta atskaq jaqiriyanqa. Pëkunam markäkuqkunata chikir autoridäkunaman juknintapis juknintapis apatsiyanqa. Uli profëtakunapis atskaq yurimurmi llutanta yachatsir atskaq nunakunata engañayanqa.

Jesúsnam nirqan: <<Paqtam pipis engañayäshunkiman.

Tsënölla qamkunapis mäkuq mäkuq këkäyë. Mana musyayashqëki höram Nunapa Tsurin shamunqa.

Tsëmi mäkuq mäkuq kayänëki. Manam musyayankitsu imë junaq Señorniki kutimunanpaq kashqanta.

<<Nunapa Tsurin imë junaq imë höra kutimunanpaq kanqanta manam nunapis ni angelpis [ni Diospa Tsurinpis] musyayantsu. Tsëtaqa Teytällam musyan.

Tsë witsanmi Cristo tukuqkuna y uli profëtakunapis yuriyämunqa. Nunakunata creyitsiyänan rëkurmi espantëpaq milagrukunata rurayanqa. Tsënö rurarmi Teyta Dios akrashqan nunakunatapis engañëta munayanqa.

<<Noé kawashqan witsan nunakuna kawayashqannömi Nunapa Tsurin shamunan witsanpis kawayanqa. Diluviu manaraq kaptinmi arcaman Noé yëkushqan junaqyaq nunakuna mikur, upyar y casakur këkäyarqan. Tsënö këkäyaptinmi cuentata qokuyarqantsu diluviu janankunachöna këkashqanta, y llapankunam tsë diluviuwan ushakäyarqan. Tsënöllam mana musyayashqan höra Nunapa Tsurinpis shamunqa.