Popular Bible Verses from Mateo 23

Share

Mas alli rikashqa këta munarqa sirwikuqnölla kayë.

Nuna tukuqkunaqa penqakushqam kayanqa. Y qollmi shonqu kaqkunaqa alli precisaqmi kayanqa.

<<¡Allaw, alli tukuq fariseukuna y ley yachatsikuqkuna! Qamkunam mentapita, anispita y comïnuspita diezmuta rakikarpis mas cäsukuyänëkipaq kaq mandamientukunata cumpliyankitsu. Tsë mandamientukunam nikan nuna mayikita alli rikäyänëkipaq, ankupäyänëkipaq y Teyta Diosta äniyashqëkita cumpliyänëkipaq. Diezmupaq rakir cumpliyanqëkinöllam tsë mandamientukunatapis cumpliyankiman.

<<¡Allaw, alli tukuq fariseukuna y ley yachatsikuqkuna! Qamkunaqa jananllapa paqashqa täzanö y plätunömi këkäyanki. Tsë plätukuna rurinchö qacha kanqannömi qamkunapis shonqïkikunachö suwakuyänëkipaq y mana allita rurayänëkipaq yarpëkäyanki.

<<¡Ay, Jerusalén, Jerusalén! Qamqa Teyta Diospa profëtankunata unëpita patsam wanutsinki. Pë kachamushqan willapäkuqkunatapis tsampinkim. Chipinkunata wallpa oqllaqnö wawëkikunata atska kuti ëllïta munaptïpis manam munarqunkitsu.

Tsënömi qamkunapis nunakuna rikäyäshuptiki alli ruraqnö këkäyanki. Tsënö kaptinpis alli tukuq kayashqëki y llutanta yarpäyashqëkikunam alläpa penqakïpaq këkan.