Popular Bible Verses from Mateo 16

Share

Tsëpitanam discïpulunkunata Jesús nirqan: <<Pipis discïpulü këta munarqa kikin munashqannö ama kawatsuntsu, sinöqa cruzninta apaqnö noqata qatimätsun.

Qamtam niq Pedro kashqëkita. Kë rumi jananchömi iglesiäta sharkatsishaq. Tsë iglesiataqa Satanáspis manam vencinqatsu.

Qamtam qoykushqëki Teyta Diospa mandakïninman yëkuna llävinkunata. Tsëmi kë patsachö watashqëkiqa ciëluchöpis watashqa kanqa. Kë patsachö paskashqëkiqa ciëluchöpis paskashqam kanqa>>.

Kawëninta salvëta munaq nunaqa kawëninta oqranqam. Kawëninta noqa rëkur oqraq nunanam kawëninta salvanqa.

Infiernuman jitëkushqa kananpaq kaptinqa ¿imapaqtaq sirwin jinantin mundupa duëñun kashqanpis? Alläpa rïcu karpis manam rïcu kashqanwan salvacionta rantinqatsu.

Jesúsnam tapurqan: <<Qamkunaqa ¿pï kashqätataq yarpäyanki?>> Tsënam Simón Pedro nirqan: <<Qamqa wiñëpa kawaq Teyta Diospa Tsurinmi kanki. Pë kachamushqan Cristum kanki>>.

Jesúsnam nirqan: <<Jonáspa tsurin Simón, allitam nirqunki. Tsënö ninëkipaq manam nunatsu käyitsishurqunki, sinöqa ciëluchö këkaq Teytämi.