Popular Bible Verses from Joel 2

Share

Tsëmi TEYTA DIOS nin: <<Llapan shonqïkikunawan perdonta mañakayämar noqaman kutikayämï. Jutsayuq kayashqëkipita llakikur ayünuta rurar waqakuyë>>.

28 (3.1) <<Tsëpitanam Espïritüta kachamushaq llapan nunakunaman. Tsëmi ollqu tsurikikuna y warmi tsurikikunapis willakïnïta willakuyanqa. Awkinkunatapis suëñïninkunachömi musyatsishaq. Jövinkunapis revelaciontam rikäyanqa.

Jutsata rurayanqëkikunapita llakikurnin ratashnikikunata rachiyanqëkipa rantin jutsëkikunata jaqiriyë. Llapan shonqïkikunawan kuyashuqniki TEYTA DIOSNINTSIK munashqannö kawakuyë. Pëqa ankupäkuq y perdonakuqmi. Imapitapis jukllaqa manam piñakuntsu. Perdonarqa manam castigayäshunkinatsu.

32 (3.5) Tsënö kaptinpis noqata mañakamaq kaqtaqa pïmëtapis salvashaqmi. Änikushqänöllam Sión jirkachö këkaq Jerusalénchö nunakunata salvashaq. Qayashqä kaqkunataqa llapantam salvashaq>>.

31 (3.4) Intipis tutapärinqam. Killapis yawarmanmi tikranqa. Tsëkuna kanqa juzganä junaq manaraq chämuptinmi. Tsë junaqqa mantsakäkïpaqmi kanqa.