Popular Bible Verses from Gálatas 4

Share

Wamran kashqam Tsurin Jesucristo änikushqan Espíritu Santuta shonquntsikman Teyta Dios kachamurqan. Espíritu Santum Teyta Diosta imëpis: <<¡Abba, Teytallä!>> nikan. Tsëmi esclävunönatsu këkantsik, sinöqa Teyta Diospa wamrankunanam këkantsik. Wamranna karmi änimashqantsik herenciata [Jesucristo rëkur] chaskishun.

Änishqan junaq chämuptinnam Teyta Dios Tsurinta kachamurqan. Pëmi noqantsiknö yurishqa kar tsë leykunapa munëninchö karqan. Tsënö karqan leykunapa munëninchö këkashqantsikpita salvamänantsikpaqmi. Tsënöpam pëpa wamrankunana kanantsikpaq chaskimarquntsik.

Kananqa Teyta Diosta reqiyankim y pëpis reqiyäshunkim. Tsënö këkaptinqa ¿imanirtaq Moisés qellqashqan leykunata cumplita munar yapë esclävunö këta munëkäyanki?