Popular Bible Verses from Gálatas 3

Share

Tsënö kaptinpis tsë leykunata cumplita mana puëdirmi maldisishqa karqantsik. Tsëmi noqantsikpa rantintsik Jesucristo maldisishqa wanur salvamarquntsik. Teyta Diospa palabranchöpis kënömi qellqarëkan: <<Pï nunapa ayanpis qeruchö warkurëkaptin tsë nuna maldisishqam kanqa>>.

Tsëmi Israel nuna karpis o mana Israel nuna karpis, esclävu karpis o mana esclävu karpis, ollqu karpis o warmi karpis Jesucristuchö karqa Teyta Diospa wamranna këkantsik.

Tsënöllam Jesucristuta chaskikur Abrahampita miraqna këkantsik. Tsënöpam Abrahamta Teyta Dios änishqanta noqantsikpis chaskintsik.

Jesucristupis tsënömi wanurqan Abrahamta Teyta Dios änishqan bendicionta mana Israel kaq nunakunapis chaskiyänanpaq. Tsëmi Jesucristuman markäkur Teyta Dios änikushqan Espíritu Santuta chaskintsik.

Tsënö këkaptinqa Moisés qellqashqan leykunawanqa manam pipis salvakuyanqatsu. Tsëpaqmi Teyta Diospa palabranchö kënö qellqarëkan: <<Munashqänö kawaq nunaqa noqaman markäkamurmi kawanqa>>.