Popular Bible Verses from Daniel 12

Share

Yachëyuq nunakunaqa chipapëkaq ciëlunömi atsikyäyanqa. Nunakunata alli kawakuyänanpaq yachatsikuqkunaqa qoyllurkunanöran imëyaqpis chipapäyanqa.

<<Tsëpinmi pamparäyashqanpita tsëtsika nunakuna kawariyämunqa. Wakinmi kawariyämunqa wiñëpa kawayänanpaq y wakinnam kawariyämunqa imëyaqpis jipayänanpaq. Jipayänanpaq kawarimuqkunam jutsata rurayashqanpita alläpa penqakushqa kayanqa.

<<Tsëpinmi Israel nunakunata cuidaq y angelkunapa mandakuqnin Miguel Israel nunakunaman qaqanqa. Nunakunam alläpa jipakïchö kar llakikuyanqa. Kë patsachö nacionkuna kashqanpita patsa imëpis manam tsënöqa jipakïkuna y llakikïkunapis kashqatsu. Libruchö shutinkuna qellqashqa kaqllam Israel mayikikuna salvakuyanqa.

Atskaq nunakunam käyikuyanqa imanö jiparpis Teyta Diosman markäkur jutsata mana rurashpa kawakuyänanpaq. Jutsa ruraqkunaqa jina jutsata rurar kawayätsun. Pëkuna mana käyikuyaptinpis Dios munashqannö kawaq nunakunaqa käyikuyanqam.