Popular Bible Verses from 1 Timoteo 3

Share

Teyta Dios musyatsimanqantsik willakïninqa alläpa shumaqmi. Tsë willakïninmi kënö nikan: Jesucristum nunanölla yurikurqan. Wanushqanpitam Espíritu Santu kawaritsimurqan. Angelkunam pëta rikäyarqan. Mana Israel nunakunatam willakïninta willakuqkuna willayarqan. Jinantinchömi pëman markäkïkäyan. Gloriaman kutïkurmi Teyta Diospa nöpanchö këkan.

Anciänukunaqa kayänan pipiqpis mana penqapashqam, juk warmiyuqllam, shumaq käyikuqmi, shumaq yarpakachärir imatapis ruraqmi, pïmëpitapis respetashqam, posadatsikuqmi y shumaq yachatsikuqmi.

y warminta y tsurinkunata shumaq rikaq. Tsënöllam tsurinkunatapis yachatsiyänan cäsukuq y respetakuq kayänanpaq.

Diäcunukunaqa juk warmiyuqllam kayänan, warminta y tsurinkunata shumaq rikaq. Diäcunu këninta shumaq cumpliqkunaqa pïmëpitapis respetashqam tikrayanqa. Jesucristuman markäkuyashqantam mana mantsakushpa willakuyanqa.