Popular Bible Verses from 1 Corintios 9

Share

Ëqiqkuna shumaq alistakuyashqanta käyikuyë. Pëkuna tsënö alistakuyan ganar ushakaq corönata chaskiyänanllapaqmi. Noqantsikmi sï alistakïkantsik mana ushakaq corönata chaskinantsikpaq. Tsëmi llallinakïchö pantar juk lädupa ëqiq nunanötsu ni pelyachö vientullata kutaq nunanötsu kawä.

Tsëpa rantinqa ëqinanpaq alistakuq nuna imanö jiparpis alistakuyashqannömi noqapis Teyta Dios munashqannö imanö jiparpis kawëkä. Mana tsënö karqa wakinta shumaq yachatsirpis Diospa nöpanman manachi kikïpis chämantsu.

Qamkuna musyayankim atskaq ëqirpis alli ëqiq kaqlla premiuta chaskishqanta. Qamkunapis Teyta Diospita premiuta chaskiyänëkipaq shumaq kawakuyë.

Tsënöllam mana käyiqkunawan ëllukarpis pëkuna kawayashqannö noqapis kawä. Tsënö kawä Jesucristuman markäkuyänan rëkurmi. Tsënöpam nuna imanö kaptinpis tsë nunanö kawä. Tsënö kawä wakinllapis salvakuyänanpaqmi.