Sinu pca lagy der lo Crisht, gun mi zeꞌ nac mi Shuaan der. Dub laa tiem bzu der altant nu tush cya der riidz nu cugyiꞌ mbecy lo der nu nac consuel nu ricy cup der nañ lardoor. Tees ornu tush cyar riidz zeꞌ, orzeꞌ cueꞌ nii der riidz nu tañ za lo dey, nunu pca lagy der lo dey. Dub laa tiem bicy der coz nap, gun orzeꞌ cueꞌ gat lo der. Gun orzeꞌ de mbecy nu nii zi ni der nu nac de coz nap nu ricy ru nu nac ru mbecy ni Crisht, orzeꞌ de yu zeꞌ gat lo dey nu nac de riidz a̱ꞌ nap nu rnii dey.