Popular Bible Verses from 1 San Pedro 2

Share

Zeꞌ de ru nac der mbecy nu pcui Ñgyoozh nu gac famil nim. Nac der uz nu zu riiñ lo Ñgyoozh, biñ nu nac rey ni den. Nac der tub nac mbecy nu nac ni Ñgyoozh. Nac der de mbecy zeꞌ, gun orzeꞌ gzat der de coz ily nu ricy mi. Mi zeꞌ biñ nu pcui de ru par nu gruu der zeꞌ nu cow, gun orzeꞌ chuꞌ der zeꞌ nu yuꞌ yaa nu tonaꞌ la cyit zu.

Laab ub la Crisht, lat nu pcam lo cruuz nu cuerp la nim, orzeꞌ za num dela cyi den, gun orzeꞌ de ub na nan gal nu na mbecy gut par lo de cyi. Orzeꞌ cyiiñ den gyishlombecy par nu gyicy na de coz nu seꞌñ. Crisht gud güiim, gun orzeꞌ de ru gruu nap der. Gun de ru gusa der gal nu gusa shily bduneꞌ. Tees na bi bish cya der brir lo Crisht, gun orzeꞌ mi zeꞌ ñam de ru gal nu rña tub mbecy shily niy, nunu ca laa lom lo den.

De ru a̱ꞌ nac der mbecy ni Ñgyoozh gulas. Zeꞌ na nac der mbecy nim. Gulas wangashni lagy Ñgyoozh de ru. Tees na rashni lagy mi der.

Guc der gal nu na mdoo nu sa gul. Bicy der nu cuigy ru lech du ub nu cyiiñ par espiriit ni der, gun orzeꞌ nu nac ndeꞌ gal shcab ni der par nu gruu mbañ ru.

Ya̱ rnishbaa lo der bicy na nu dzi rca̱, bicy der gal nu ricy mbecy nu walab mbecy guledz. Cueꞌ shet ic der nu gyicy ru de coz a̱ꞌ nap nu druu nañ shcab nir, gun de coz zeꞌ zañ contr ni espiriit nir. Nap bicy der lat de mbecy nu a̱ꞌ yuꞌ lo Ñgyoozh, gun orzeꞌ mas griib dey cyi fals too der nu nii dey nu nac der mbecy shiñ ricy, tees ornu gad lagy dey de coz nap nu ricy der. Orzeꞌ gyabic dey gyel mbecy nim ornu cyid mi tuubaꞌ tir.

Orzeꞌ ni mod bicy der nu gac ru gal nu na gyitaꞌ zeꞌ. Orzeꞌ Espiriit Yon nim gash mi de ru par nu shup mi yuꞌ wedz nim. Orzeꞌ nañ yuꞌ wedz zeꞌ gac der uz par nu gyicy der riiñ ni ub ziꞌl mi. Orzeꞌ nu nac Jesucrisht cuic der gun lo Ñgyoozh, de gun nu rnii Espiriit Yon nim nu cuic der. Ndeꞌ gun nu gyedzuꞌ lagy mi.

Ndeꞌ nu blaa yaa der de lo la coz a̱ꞌ nap nu ricy der. Rila cueꞌ guu der. Nunu cueꞌ gac der mbecy rzuu lo. Nunu cueꞌ gasaap lagy der. Nunu rila cueꞌ gzat zi der losaꞌr.

Ndeꞌ nu bechaꞌ der lo Shuaan den Jesuuz, gun mi zeꞌ nam gal nu na tub gyitaꞌ nu mbañ. Orzeꞌ de mbecy guzii dey nu wacyiiñ gyitaꞌ zeꞌ. Orzeꞌ mneꞌ dey ñii. Tees par Ñgyoozh, ndeꞌ tub gyitaꞌ nu bducui. Nunu nac ñii gyitaꞌ nu dzi sac.

Bicy der gal mod nu ricy mbecy nu riib ic ub. Mas riib ic der ub ru, tees cueꞌ cuic der lugaar ni ub ru nu gyicy ru coz a̱ꞌ nap. Sinu bicy der tub mod nu nap zir par nu nac der mbecy nu ricy coz nu rlagy Ñgyoozh.

Gun Ñgyoozh rlagy mi nu nap gyicy der, gun orzeꞌ de mbecy nu wagad lagy, gal nu de mbecy ton, wad la ruꞌ dey nu niiy nu chay contr ni der.