Popular Bible Verses from Éxodo 32

Share

Sinaí naintrin Moisés waka nukap tsawan pujusuiti. Tuma asamtai israelita aina Aarónkan chicharainak: Moisés Egipto nugkanam pujarin ina jiirmar imajai itarmamaj nuka megkaakayi. Tuma asamtai ina jintan inakturmastin chikichik yuus najanata, tusar Aarónkan tiaruiti.

Tumaina asamtai Yuus Moisésan chicharuk: Israelita aina Egipto nugkanam pujuina jiirmam nu tunaun shir pegkerchaun takainawai. Tumaina asamtai wári waketkita. Wina chichamrunka umirtutsuk orojai vaca aishmagkun najanawar ina yuusri Egiptonam pujarin jiirmarmaj nuka juwaiti, tusar tagku ainan maa epenak emematainawai.

Tumainakai Aarón nuna wainak, vaca aishmag najanamu amaunam ayanas tagku aina maa patasa epetain najanawaiti. Tura nitan chicharuk: Kashin ina Yuusri emematkur jiistamattaji, tusa tinaiti. Timau asar kashin tsawainak, káshikmas nantakiar, nita tunauri tsagkurnartinan tagku ainan maa epeawaru ainawai. Nuiyasha yutain yuinak, tura umutaincha umuinak namperar nuwan takainak jantsemawaru ainawai.

Tura kashin tsawak Moisés nitan ashi chicharuk: Najanamu atumsha emematin asarum tunau shir pegkerchau takasurme, turasha atumi tunaurin Yuus tsagkurtamrachaintash tusan atumin pachisan Yuusan aujsattsan nainnum ataksha wetatjai, tusa tinaiti.