Popular Bible Verses from Hebreos 13

Share

Yaya Dios cangunata casna nishcami: Canda mana ima uraspas cungarishachu, mana ima uraspas saquishachu. Chasna nishcamandami ama cullquimanda yapacta yuyarisha causaichichu. Canguna charishca tupullahuan cushiyaichi.

Jesucristoga mana cambiaric ashami ñaupa ashas, cunan ashas, huiñaigama ashahuas, chasnallata causanmi.

Chiraicumi cushihuan casna rimanata ushanchi: Dios ñucata yanapashcamandami maican runas ñucata imata rasha nicpihuas mana manzhashachu.

Chasnallata alita ranata ama cungaringuichu, chasnallata mana mitsasha shuccunata yanapanami. Chasna racpi chigunaga Diosma cushcashina ashami paita cushiyachinmi.

Chiraicumi Jesucristomanda Yaya Diosta caran punzha alabana anchi. Ñáaupa uras aichata Diosma cusha alabashcacuinta cunan ñucanchi shimigunahuan Diosta pagrachu nisha alabashunchi.

Maican runas huarmita japisha chi huarmillahuan causanaga ali man, quiquin amu carihuan amu huarmihuan alita yuyarisha causana manguichi, shucpa huarmita mana munasha changuichi. Mana quiquin carihuan mana quiquin huarmihuan llutaricpiga Dios chita taripangami.

Mana ricsishca quiric runaguna pasiangahua shamucpi ali shunguhuan canguna huasi ucuma yaicuchisha yanapangui. Maican cuti chasna rashami mana yachasha angelgunata yaicuchishcaunami.

Cungailla causaita cuc Diosmi ñucanchi Señor Jesucristota huañushcamanda causachira. Chasna causachicpimi ovejagunata alita cuiraccuinta Jesucristoga paita quiriccunata yapa alita cuiraun. Paihua rahuaihuanmi huiñaigama mushuc pactachina shimita saquira. Chasna acpi cunanga Yaya Dios cangunama ali yuyaitas ushaitahuas cuchun canguna pai munashcashina rangahua. Ñáucanchi causaibis Jesucristomanda Yaya Diosca tucui paihua munashcata rachun. Jesucristoga huiñaigama balichishca tucuchun. Chasna achun.