Popular Bible Verses from Zab 63

Share

Ya Allah, kai ne Allahna, Ina sa zuciya gare ka. Duk niyyata ta nemanka ce, Raina yana ƙishinka, Kamar bussasshiyar ƙasa, Wadda ta zozaye, ba ta da ruwa.

Madawwamiyar ƙaunarka ta fi rai kansa, Saboda wannan zan yabe ka.

Muddin raina, zan yi maka godiya, Zan ta da hannuwana sama, in yi addu'a gare ka.

Bari in gan ka a tsattsarkan wurinka, In dubi ɗaukakarka da darajarka.

Domin kai kake taimakona kullayaumin. Da murna, nake raira waƙa, A inuwar fikafikanka, Raina yana manne maka, Ikonka yana riƙe da ni.

Sa'ad da nake kwance a gadona na tuna da kai, Dare farai ina ta tunawa da kai