Popular Bible Verses from Afocarifisi 11

Share

Nii baiha, toroonfeta totiha nii anjeraauru caainsinene janate, mijiaaineein dede que toniin: “Caa chauratanete Cana Coaunera aina rai Calaohi Jesocurisito raineein nihane jaun, acaauruacha satonoreein tiaain caa chauratane Curuaanaaneein neroranereein”, naaure.

Ii ainate niqui obaaecure caa chauratane que nenacaauru ii coitucuhichuru. Nete inae turue acaauru cairichaaine jaan cojoanonaa. Inae turuha onacaauru rucuhequine jaan cojoanonaa. Ii letonocuru ii ere beebejeein amuhemuhenacaauru profeta curete coroatajaniha curiquiin; acaauru ii cachaneein ii jereeine rijijieein neeuruhane jaun. Inae ii sacuurera coroatajaniha curiquiin, itolere canaanaihuru, ichauhenaauru, naaonjoaain. Nitohaneeite itolere caa chauratane que nenacaauru itajeraneein nenaa itajeriquiin”, naain Cana Coaunera coasitaaure.

Canune coroatajai canu ere beeurera letoareeunni, uhin le oaraanca coroata fasha saota choonca janoneein canu ere beeuruhane coina”, naain canu letoaaure.

Nete coaiteen nichata janohin cataaun uujue bana acaauru ichatiha Cana Coaunerana jaaun ichanaain nimichucuruhane coaraain jataain casihure satiin nii acaauru coaaraauru cachaauru.

Nii coroatajaihurite nelate que nelateein, cana dede funaa nainecurureein Cana Coaunera ere beebejeeuruhane jana uha elo ne coataa. Chaaen techu, ichana neein acau corenaa naainecurureein. Nii rijijieein techu, araai laurii necairichanaa turuanaa nainecurureein caa cana rai chauratane que, acaauru jerecuruhane tocohaneein.

Nii coroatajai Cana Coaunera ere beracurute coroatajai olibo nujuan aina coroatajai usi temura neein neeure, cana rai chauratane coauneraneein nenaa Cana Coaunera acatiha. Chunocoha chatohaneein acaauru tenaa jerera nihanete, acaauru ujuae caje usi mitaaurureein jitariin acaauru que nejeratenacaauru mocohane nitajeeuruhane coina. Nitohaneeinte oorureein nii acaauru rerohecaeraauru.