Popular Bible Verses from Roma 15

Share

'Re ihâimana u'âsi mono, rob'umnha te te wama 're i'anhomri mono hã, rowẽ za'ẽne datoi u'âsi zé hã te te aima i'masisi za'ra wa'aba da si iwẽ hã, asina 're umnhasi za'ra wa'aba mono wa, rob'umnha hã aima 're sa'ẽtẽ u'âsi za'ra wa'aba mono da, 'Re ihâimana u'âsi mono Pẽ'ẽzani te te 're asiptete za'ra wa'aba mono wa.

E marĩ wa. Uburé Ibaihâ Iwazé pese na rob'ui'éré isimi'wara hã te tihâimana za'ra, te te wama 're roti za'ra mono da, wanhimi'ẽ hâ zarina, duré wanhib'ru zarina rob'umnha hã wama 're hâimana za'ra mono da, Ibaihâ Iwazé pese na rob'ui'éré te te wama isõmri za'ra zarina.

'Re ihâimana u'âsi mono, danhimi'ẽi hâ duré danhib'ru zama te te dama 're i'anhomri mono hã te te i'aipawaptob za'ra wa'aba da si iwẽ hã, rowẽ sina asiré 're aihâimana za'ra wa'aba mono da, Cristu Zezusi, ãma isisanhozéb zarina 're 'manharĩ za'ra wa'aba mono da. Ãne wamhã, uburé a norĩ wa'wa, simisutu misi dahâiba ne duré misi damreme ne, te za 'Re ihâimana u'âsi mono ãma 're aiwata za'ra wa'aba mo, Wanhib'apito Zezu Cristuhu mama ãma.

Tahawa, 're asiwaibui wẽ wa'aba mono, 'Re ihâimana u'âsi mono ãma 're aiwata za'ra wa'aba mono da, Cristu hã te te 're i'aiwaibui wẽ wa'aba mono ne.

Tazahã, wahâiba mono bâ wa za wasisãnawã norĩ ma, wa te 're rowẽ zani za'ra, rowẽ na 're hâimana za'ra mono da, 're prédub za'ra mono da, Wanhib'apito te te sina 're i'umnhasi za'ra mono zém na.