Popular Bible Verses from Roma 13

Share

Tazahã, aima 're hâimana za'ra wa'aba mono, Wanhib'apito Zezu Cristu 're ihâimana mono zé hã. Duré 're 'manharĩ za'ra wa'aba mono tõ, 'râwi wasété nherẽ, asima 're iwẽ za'ra wa'aba mono zé hã.

Marĩ dama 're iwa'âbâ za'ra wa'aba mono õ zé, aima 're hâimana za'ra wa'aba mono tõ. 'Re i'asisawi pese za'ra wa'aba mono zép si i'ru zahi. Ni'wa hã te te 're da'azawi pese mono wamhã, 'Re ihâimana u'âsi mono nhimiroti zahi na Mozési te te irob'ui'érézé, te za ãma uwaimra.

Uburé a norĩ wa'wa hã, ti'ai ãma dama pire na 're ihâimana za'ra mono norĩ hã 're wapari pese za'ra wa'aba mono. E marĩ wa. Dama ipire norĩ hã 're 'maihâimana mono õ wa, 'Re ihâimana u'âsi mono te te 'maipisutu ãna. Ta norĩ hã, Õhõ si ma tô te te 're apisutu, daro mono bâ te te 're rob'madâ'â za'ra mono da.

Mara hã te za oto ai'utõ. Rowa'azé hã te za oto wi. Tahawa, wa te sahâri za'ra wa'aba, robra te marĩ, wa te 're i'manharĩ za'ra mono hã. Rowa'a te wanhimnhi'ã hã, wa te waibui wa'aba.

Ni'wa hã te te 're da'azawi pese mono wamhã, marĩ iwasédé te te dama 're a'manharĩ mono õ di za. Tahawa, dasisawi 'manharĩ hã, uburé 'Re ihâimana u'âsi mono nhimiroti zahi na Mozési te te irob'ui'éré hã te za sina 'rã'õtõ.

Tahawa, ma'ãpé dama ipire norĩ ma, 're wa'âbâ wẽ za'ra wa'aba mono, isarina 're wa'âbâ za'ra wa'aba mono da, 're ihâimana mono hã. Ibâ na rob'uiprazé arĩ hã tãma 're wa'âbâ za'ra wa'aba mono. Duré uburé dama ipire norĩ hã 're wazéb za'ra wa'aba mono.