Popular Bible Verses from Mateus 21

Share

Uburé marĩ hã 'Re ihâimana u'âsi mono wi, rowaptẽrẽ na 're waptẽrẽ za'ra wa'aba mono wamhã, ãma 're asimizaze za'ra wa'aba mono wamhã, te za tô 're iwaibui wa'aba mo.

Tawamhã Zezusi hã ma tô asa tãma nharĩ za'ra, ãne: — Tô sena wa za aima waihu'u za'ra wa'wa, ãne: 'Re ihâimana u'âsi mono umnha hã, aima 're hâimana za'ra wa'aba mono wamhã, duré 're asiwawã za'ra wa'aba mono õ wamhã, wapu di, figu wede ma, te i'manharĩ ne, 're i'manharĩ za'ra wa'aba mono da hã. Taha nhipai u hã duré ã hã ẽtẽ 'rãihâ ma, 're nharĩ waihu'u pese za'ra wa'aba mono di za, ãne: “Ma'ãpé hâiwi asa na, â poré u atobro da.” Tawamhã te za tô ãne hã tiromhâiba.

Tawamhã da'ahâ uptabi na isõwa idasi'aba'ré hã duré isa'u hã ma tô dahãsi, ãne: — Davihi nhihudu ãma si 're wawata za'ra wa'aba mono! Uburé Danhib'apito nhisi na we imorĩ hã, 'Re ihâimana u'âsi mono iwẽ hã te te tãma 're ipisutu u'âsi mono da si, iwẽ hã! 'Re ihâimana u'âsi mono ãma zama 're wawata za'ra wa'aba mono, hâiwa ãma 're isãmra mono ãma!

Tawamhã Zezusi hã ma tô ãne tãma nharĩ za'ra: — Ibaihâ Iwazé pese na rob'ui'éré hã, ãne te tinha: “Ĩnhorõwa hã te za da te 're sisi za'ra, ‘Da te ĩwi 're Irowaptẽrẽ za'ra mono zém’ na.” Tane nherẽ, ma tô asiwi i'manharĩ 'wa, isimisaihuri norĩ sima'urizém na.

“Ma'ãpé, tãma rowasu'u za'ra wa'aba, Siã na ẽtẽ 'rãihâ nhisi ãma 're idasi'ubumroi mono norĩ ma, ãne: Õhõta te wei mo, Asib'apito za'ra wa'wa hã. Ta hã isimizawi pe. Awaru po'repore ba nhisi, te wei mo, duré awaru po'repore 'ra ba nhisiwib zama.”

Tawamhã Zezusi hã ma tô tãma nharĩ za'ra, ãne: — E niwa sõré za'ra wa'aba ã bâ, Ibaihâ Iwazé pese na rob'ui'éré, ãne te te inharĩ hã: “Ẽne hã 'ri'wa norĩ te te siwi iwẽ'õ, ta hã danhipai u pire na te za oto 're hâimana. Ta hã Uburé Danhib'apito ma tô pisutu. Isimi'manharĩzé hã wẽ uptabi di, wama za'ra hã.”

— Tahawa, tô sena wa za aima waihu'u za'ra wa'wa, ãne: 'Re ihâimana u'âsi mono hã te za aiwi wazere za'ra wa'wa, da'ãma 're isib'a'uwẽ mono zé hã. Tawamhã 're i'rãi wẽ za'ra mono norĩ ãma si te za oto 're sib'a'uwẽ za.