Popular Bible Verses from Zenezi 46

Share

Tawamhã 'Re ihâimana u'âsi mono, te ãne tãma tinha: — Wa hã 'Re ihâimana u'âsi mono, aimama te, 'Re ihâimana u'âsi mono na 're ĩhâimana mono. Tahawa aipahi ãna ma'ãpé aimorĩ, Ezitu u hã. Tame wa za asihudu norĩ, ahâ uptabi na sitébré da hã tãma pisutu za'ra, a'uwẽ misi ãma isitom na dama siptete na 're hâimana za'ra mono da.

Wa hã wa za Ezitu u hã asiré mo. Apâ wa za duré asihudu norĩ hã we te simro, ã hã ti'ai u hã. Tawamhã nimahã na oto asi'ré wamhã, te za ai'ra Zuzé hã asababa tihâiba za.

Tawamhã Zuzéhé ma, awaru na wedewara zapore, da te tãma awasisi parimhã, ma tô oto Gosẽ u hã wara, timama te te sõpẽtẽ da. Ãhã wa, timama titõmo na te te oto 'madâ'â wamhã, ma tô sa'ẽtẽ itẽme wara, te te sawi da. Tahawa, tinho'utu te te âri sina, ma tô ãma aiwa'õi hâ.

Tawamhã Zaco, te ãne ti'ra ma tinha: — Wa za oto dârâ ĩsima iwẽ na, ĩtõmo na te ai'ubu 'madâ'â wa oto, duré zahadu aihâiba ré 're i'aihâimana mono na zama te waihu'u wa.