Tawamhã awẽm na mararé ma tô Asidodi ãma 're ihâimana za'ra mono norĩ hã siwi 'madâ romhâibarĩ Dagõ na isisi iwaptã hã ti'ai u ubu niwĩ, 'Re ihâimana u'âsi mono te, wedehâ're nho're. Tahawa, ma tô siwi ti'â romhâibarĩ hã apâ te te siwi sãrĩ da, isabzéb ãma. Tane nherẽ, awẽm na mararé ma tô duré siwi 'madâ apâ iwaptã'ã na, 'Re ihâimana u'âsi mono nhimiroti ré wedehâ're nho're. Tawamhã romhâibarĩ 'rã hã duré ipaihi zahuré hã ma aiprub zahuré. 'Ridawa ãma te da'wa. Tawamhã ihâiba si te wahuré nomro oto.