Popular Bible Verses from 1 Samuéu 4

Share

Tawamhã Eri, 'Re ihâimana u'âsi mono nhimiroti ré wedehâ're te te siwi i'âri na te te wapari wamhã, ma tô waptãrã tinhamrazém hawi ba niwĩ, 'ridawa za'ẽne 'ri nho'õmo u 're idanhisisi mono zéb 'rata. Tawamhã oto ihi pese wa, duré hâipese wa, waptã'ã wamhã, ma tô butuhaihâ. Ma tô ai'utõ, õne haré. Eri hã ma tô i'rãnho'õmo na 're hâimana, Izaraéu nhihudu norĩ ma 40 na ãma iwahum na hã.

Tahawa, ma tô ina hã sisi 'watébrémi hã, Icabô na. Ãma isaprĩ hã ãne: “Izaraéu nhihudu norĩ nhipti'ai hawi 'Re ihâimana u'âsi mono nhamrazé iwatobrozém na hã.” Ãne ma tô pi'õ hã tinha, 'Re ihâimana u'âsi mono nhimiroti ré wedehâ're da te dasiwi i'âri na hã duré imaprebaba norĩ hã tiwi idâ'â zahuré na hã imro me.

Tawamhã te pi'õ hã tinha, ãne: — 'Re ihâimana u'âsi mono nhamrazé hã ma tô watobro, Izaraéu nhihudu norĩ nhipti'ai hawimhã. E tihai wa. 'Re ihâimana u'âsi mono nhimiroti ré wedehâ're hã wanhitob'ru norĩ te te siwi âri wa.