Popular Bible Verses from Mateo 21

Share

Pjãy l̇l̇ëbo rokë syõ goshko ga woyotjl̈ĩmi ga twe Sbörë l̈ëmi jl̈õkoyo ga wl̈ẽmi» l̈e ba kong.

«Pjãy mär bor go jl̈õkoyo, ga bor dbo ara äär l̇l̇ë go l̇l̇ëme l̈ëmi l̇l̇ëm wl̈eni ga l̈ër bomi kong jl̈õkoyo ga l̇l̇ëye shäryoror ëre shäryëmi ga pjl̈ú, ga pjãy tjl̈ẽ dl̈up ëre kong ga “Dl̈up, pja opkjos jer dl̈ung roy” l̈ëmi ga shäryë eni bakoe.

Nopga jek l̈öng ba bäm go, nopga jek l̈öng ba irgo, öö l̈e l̈ok ara. Tjl̈ẽ ga «David tjëyo kjwe pjl̈ú jl̈õe. Kjwe ichara Tjl̈apgarë shrono kjok ëreshko. Kjwe kjimte Sbörë. Sbö sök kjok dogo, e pjl̈ú jl̈õe» l̈e.

Ga tjl̈ẽ ba kong l̈ok ga «Sbö tjl̈õkwo tak pjang eni: “Bor u, e kowëba ber syõ uyo wl̈o. Gueniyo ioromi beno jong l̈ũ uyo”» l̈e.

«L̈ëmi Sión sopga kong ga “Bomi pjl̈u tek sök dörö bomi shwoy wl̈ẽp, öng so kwomgl̈a kjoyo dre töshko kjing go. Tjwe öng l̇l̇ëbo shgokl̈o wa kjing go” l̈ëmi ba kong eni.»

Kuya ga tjl̈ẽ ba kong ga «Sbö tjl̈õkwo tak pjang eni: »“Akkwo woydara u shäryagagarë l̈ok l̇l̇ëm l̈i, e iak beno buk bäm go, beno tjwl̈õ ara, obl̈ë kjinmo. Shäryara Tjl̈apgarë eni, ga tjawa beno l̈öng yëy l̈ërwa erä.” ¿E l̈omirë l̇l̇ëmdo?

E kjĩshko ga l̈ër bomi kong ga pjãy kjrara Sbörë, e ber bomi pjl̈u wl̈o. Gueniyo pjãy omkol̈ë l̇l̇ëm kuzong ga obl̈ë omkol̈ë pjl̈ú l̈i kjrayde, e ber ba pjl̈u shara wl̈o.