Popular Bible Verses from 1 Coríntyu 2

Share

Darya nu̱chara darya: Jiryatimyu̱ ne sadiy ti̱ riva didye, dantyamu̱y ne satuva̱chu didyerya, dantyamu̱y ne sajachipiya̱ jijechitya didyerya, rani̱ ji̱ta su̱dutya Ju̱denu rirya̱jiju̱ rityi va̱tasarani̱.

Netimyu̱ ne vu̱pyi̱ru̱y Ju̱denu Jnutumusiy didye, ne vana̱y vuryi̱mutya̱ra sadatyadoda variy, tapi vu̱dyi paru̱cha̱riy daryaju̱ riva, ne vana̱y vu̱dyetyara, jiryatiy vinu Ju̱denu Jnutumusiy datyasara darya.

Vu̱jyu̱ ji̱ta sadityadoda Ju̱denu Yintuta darya, tapi Su̱ntu datya ti̱ta̱ju̱ra jijechipiya̱jada jiryatiy dutyasara darya.

Vu̱y ji̱tamu̱y ne jmutya̱ni̱ jirya mucadi ja̱mi̱ jnutu day, vinu Ju̱denu Jnutu ji̱ta vuryiva day, vurya̱tidye datyara ta̱ra sasa̱y mitya vu̱y, ta̱ra.

Rañiquejada ji̱ta jiryatiy ratyu̱choda jiryivara, ne ratyu̱choda datyara niquejadatara. Ratyu̱chodamu ji̱ta sadityanu Ju̱denura jidyetya̱da Yintumusiy, jirya̱tidye tuva̱chu variy Ju̱denumu, sadatya̱damusiy, ne datya̱da niquejadamusiy, jiryatiy nijya̱mi̱ jachipiya̱jadamusidyerya.