Popular Bible Verses from Hebreos 8

Share

Ja jakonmabo akanatonra, ea shinanbenoti iki, jaton ocha akábora jawetianbi en jato shinanxontima iki”, ikira ikai non Ibo.

Ja netebo moa winota pekáo, Israel jonibo betan, en bená senenhabekonti joi akaira inóxiki, neskara ikira ikai non Ibo: Nokon esébora jaton shinan meranbo en imanoxiki, itan jaton jointi meranra en wishanoxiki. Eara inóxiki jaton Dios, jatian jabora inóxiki nokon jonibo.

Moara maxkáyamanoxiki tsonbi jabé joni, itan jawen kaibobo non Ibo onankanon ixon jato yoiti, jatíxonbira ea onannoxikanai, ja kikin itan kikinma jonibaonbi.

Ikaxbi jonibaon senenhayamakanai oinnax, Ibo iká iki neskati: “Ibonra yoiai: Netera nokónoxiki, ja Israel jonibo itan Judá jonibo betan, en bená senenhabekonti joi ati.

Ja non yoiibea bebonbires jakon riki, ja non Sacerdotebaon Koshi naikan itina, Diossen ani yakati mekayao yakata.