Popular Bible Verses from Números 20

Share

Saypitanami Aarónta y Moisésta TAYTA DIOS nirqan: <<Noqaman mana yärakurmi santu kashqäta Israel runakunata tantiyasiyashkankisu. Sayno kayashqaykipitami kay runakunata promitishqä nacionman yaykasiyankisu>>.

<<Tukruykita aptarkur wawqiki Aarónwan lapan runakunata shuntayay. Nirkur lapanpa rikanancho taqay qaqata parlapay yaku yarqamunanpaq. Saymi qaqapita yaku yarqamunqa paykunapis uywankunapis upuyänanpaq>>.

Sayno nirmi aptaraykashqan tukrunwan ishkay kuti qaqata wiruykuptin aska yaku yarqamurqan. Saytami runakunapis uywakunapis upuyarqan.

Nirkurnami wawqin Aarónwan qaqa nawpanman lapan runakunata shuntaykur nirqan: <<Mana wiyakuq runakuna, ¿manasuraq kay qaqapita yakuta jorqayämüman upuyänaykipaq?>>