Popular Bible Verses from Números 13

Share

Sayno niyaptinmi Moiséspa contran runakuna parlayarqan. Saymi runakunata upälaykasir Caleb nirqan: <<¡Sayno kaptinpis say markakunatawan chakrakunata qechunansipaq aywashun! ¡Noqansiqa paykunata vincishunmi!>>

Anacpita miraq sikasaq runakunatapis rikayashkämi. Kikïkunapa yarpaynïpitaqa paykunapa nawpancho chuklus tamäñunölami kayashkä. Paykunapis chuklustanölami rikayämash>>.

Sayno niptinpis rikapakamuq mayinkuna niyarqan: <<Say runakunata ¿imapaqtaq wajupäshun? ¡Noqansipita mas saysikami paykuna kaykäyan!>>

Israel mayinkunata mansarïsirmi niyarqan: <<Rikapakayämushqä markakunacho pasaypa wanusinakuylami kaykan. Saynöpis say markakunacho taq runakuna jatusaqmi kaykäyan.

Nirkurmi Moisésta niyarqan: <<Rikapakamuq kachayämashqayki chakrakunaman aywayashkämi. Saycho rasunpami lichipis abëjapa mishkinpis aska kaykan. Kay frütakunatami saypita apayämushkä.

Isanqa saysikami runakuna saycho täyan. Markankunapis jatusaq y ali murallashqami kaykäyan. Saynölami Anacpita miraq jatusaq runakunapis kaykäyan.

Saynöpis Neguevchömi amalecita runakuna taykäyan. Jalqakunacho kaykaq markakunachönami taykäyan heteo runakuna, jebuseo runakuna y amorreo runakuna. Cananeo runakunanami taykäyan lamar kuchun pampakunacho y Jordán mayu nawpan pampakunacho>>.

Parán niyashqan sunyaq jirkacho Cadesman kutiyarqan. Saychömi kaykäyarqan Moisés, Aarón y lapan Israel runakunapis. Chaykurmi wilayarqan lapan rikayashqankunata y imata wiyayashqantapis. Saynölami saypita imata apayämushqankunatapis rikasiyarqan.