Popular Bible Verses from Jueces 6

Share

Saycho püraykaptinmi TAYTA DIOSPA angilnin yuripaykur nirqan: <<Kalpayuq y geniu runa, TAYTA DIOSMI qamta yanapaykäshunki>>.

Sayno niptinmi Gedeónta rikärir TAYTA DIOS nirqan: <<Qamqa madianita runakunata ichipankimi. Paykunapa makincho kayashqanpita Israel runakunata jorqunaykipaq kikïmi qamta kachaykä>>.

Saymi TAYTA DIOS nirqan: <<Sayno kaptinpis madianita runakunata juk runatanöla lapanta ushakäsinaykipaq kikïmi yanapäshayki>>.

Sayno niptinmi Gedeón nirqan: <<Ay, taytay. TAYTA DIOS yanapaykämaptinqa ¿imanirtaq kayno nakaykäyä? Unay ayllükuna niyarqan Egiptupita Israel runakunata jorqamushqantami. Kananqa ¿imanirtaq sayno yanapäyämansu? Yanapäyämänanpa trukanqa TAYTA DIOS qonqaykayämashpanmi madianita runakunapa munayninman kachaykayämash>>.

Sayno niptinmi Gedeón nirqan: <<Ay, taytay. ¿Israel runakunata salvämansuraq? Manasés trïbu runakunacho noqapa ayllüqa muchuqmi kaykan. Saynöpis noqataqa alqu wiruqlapaqpis manami mentayämansu>>.

Saypita juk kutimi TAYTA DIOSPA angilnin Ofracho kaykaq encina jacha chakincho jamaskamurqan. Say jacha karqan Abiezer ayllupita miraq Joáspa chakranchömi. Saychömi madianita runakuna mana rikayänanpaq Joáspa surin Gedeónqa üvata jarukunan kaqcho trïguta pakaylapa püraykarqan.

Saymi Gedeónqa TAYTA DIOSPAQ altarta ruraskir jutisirqan Yahweh-shalom jutin kananpaq. Say altar kananyaqmi Abiezer ayllu runakuna täyashqan Ofracho kaykan.

TAYTA DIOS sayno niptinmi Gedeón nirqan: <<Rasunpaypa yanapämänaykipaq kashqanta musyanäpaq ima milagrulatapis ruraykulay.

Niptinmi TAYTA DIOS nirqan: <<Ama lakikuysu ni mansakaysu. Manami wanunkisu>>.

Israel runakuna yapaymi TAYTA DIOSTA mana cäsukuyashpan juk dioskunata adorar qalaykuyarqan. Saymi paykunata madianita runakunapa munayninman TAYTA DIOS kachaykurqan qanchis wata nakasiyänanpaq.