Popular Bible Verses from Génesis 37

Share

Juk kutichömi sueñushqanta José wilaparqan wawqinkunata. Saymi wawqinkuna masraq chikiyarqan.

Awkinyaynincho surin José yurish kaptinmi Israelqa wakin surinkunapitapis payta mas kuyarqan. Saymi kuyaylapaq alinnin tünicata ruraparqan.

Joséta taytan mas kuyaptinmi wawqinkuna pasaypa chikir ayaq shimilanpa parlapäyaqpis.

Saypita yapaypis sueñushqanta wawqinkunata wilaparmi José nirqan: <<Sueñuynïchömi rikashkä intipis, killapis y chunka juk qoyllarkunapis noqata adoraykäyämaqta>>.

Sayno wilapaptin wawqinkuna masraqmi chikiyarqan. Papänin yarpachakurmi nirqan: <<¿Imapaqraq surï sayno sueñuykush?>>

Wilaparmi nirqan: <<Sueñushqäta wilapäyäshayki. Sueñuynïchömi chakracho trïguta liyakuykashkansi kash. Liyakuykashqä terciumi kikilan ichikurkunä. Qamkunapa terciuykikunanami ichiraykaq terciüman tumaypa imayka adoraqno umpuraykäyänaq>>.

Kanan jukla wanurasir ayanta pipis mana tarinanpaq pözuman jitarpushun. Nirkur papäninsita wilashun ima fiyu uywakunapis mikukurkuyashqanta. Sayno ruraskish mä sueñushqannökush kamakänaq>>.

Madiánpita ismaelita negociantikuna päsaykaqkunatami pözupita Joséta jorqaskamur ishkay chunka (20) siclo qellaycho rantikuykuyarqan. Saynöpami Joséta Egiptuman apakuyarqan.

Saymi niyarqan: <<¡Sueñuq chölu shamuykan!

Karulataraq José shamuykaqta rikaykurmi wawqinkuna wilanakuyarqan wanusiyänanpaq.

Wawqinsipa yawarninta jichanansipa trukanqa kay sunyaq jirkacho kaykaq pözuman winaykushun. Ama kikinsi wanusishunsu>>. Rubén sayno nirqan Joséta imaykanöpapis kawaykaqta taytanman kutisiyta munarmi.