Popular Bible Verses from Efesios 4

Share

Sayno kawayänaykipa trukanqa jukniki juknikipis kuyapänakur kawayay. Jesucristo wanushqanpita Tayta Dios perdonayäshushqaykinöla perdonanakuyay.

Mana yachaq tukuypa kawayay, pïmaypaqpis ali shonqu kayay y kuyanakur pacienciakuyay.

Ama imatapis lutankunata parlayaysu. Saypa trukanqa runa mayikita shakyäsiyänaykipaq ali kaqkunalata parlayay.

Pitapis ama nanaparäyaysu, rabyapäyaysu ni qayapäyaysu. Ama pipa washantapis rimayaysu ni manakaqkunata parlayaysu.

Rabyakurpis ama jusalikuyaysu. Qoyayninpaqa ama rabyashla kakuyaysu. Rabyashla karqa shonquykikunatami diabluta kichapaykäyanki.

nawpata kawayashqaykino amana kawayaynasu, sinöqa makwa mödanata jitariqno unay kawayashqaykita kachariyay. Nawpataqa alita rurayashqaykita yarparpis lutan ruraykunaman umaykikuna churakashqami kayarqayki. Kananqa Espíritu Santu tantiyasiyäshushqaykinöla kawayay. Tayta Dios kashqanno qamkunapis kayänaykipaqmi mushuq kamash runana kaykäyanki. Sayno kaykarqa Tayta Dios munashqanno mana jusalikuypa kawayänaykipaq mushuq kawaytana kawayay.

Espíritu Santu yanapäyäshushqaykinöla yärakuq mayikikunawan juk shonqula jawka kawayay.

Paymi wakinta churash apóstol kayänanpaq, wakinta profëta kayänanpaq, wakinta ali wilakuyninta wilakuyänanpaq y wakintana pastor kar yachasikuq kayänanpaq. Paykunata Jesucristo churash yärakuq mayinkunata shakyäsir yachasiyänanpaqmi. Sayno yachasiyaptinmi kamarikush kaykäyanqa Tayta Dios munashqanta rurar Jesucristupa cuerpun iglesiata lapanchöpis yanapäyänanpaq. Sayno kaptinqa lapansi juk shonqula kar y Tayta Diospa Surinman yärakur Jesucristo kawashqanno noqansipis kawashun.

Sayno kawar manami pishi wamranönasu kashun pipis manakaqkunata yachasir lutankunata criyisimänansipaq. Saynöpis manami punshata wayra wakman kayman apashqannönasu kashun. Saypa trukanqa jukninsi jukninsipis kuyanakur rasun kaqlata imaypis parlashun. Saynöpami Jesucristo kawashqanno noqansipis kawashun. Jesucristo umansi kaptin