Popular Bible Verses from 2 Corintios 6

Share

Wawqi panikuna, musyayashqaykinöpis manami pipis törutawan ashnuta yügunsu. Saynölami qamkunapis Jesucristuta mana chaskikuqkunawan yügushno kayankimansu. Ali ruraypis manami mana ali ruraywan tinkunsu. Aksi kashqanchöpis sakay manami kansu.

Saynöpis Tayta Diospa templunman ïdulukunata jamasiyashqan manami alisu kaykan. Noqansiqa imayyaqpis kawaq Tayta Diospa templunmi kaykansi. Palabranchöpis Tayta Dios nikan: <<Paykunawanmi täshaq. Paykunawanmi purishaq. Paykunapa Diosninmi kashaq. Paykunami kuyashqä runakuna kayanqa>>.

Mastapis palabrancho nikan: <<Jusalikur kawaq runakunapita witikuyay. Paykunapita yarqukuyay. Imatapis impüruyäsikuqkunata ama yatayaysu. Sayno kawayaptikimi chaskiyäshayki. Qamkunapa taytaykimi kashaq. Qamkunami wamräkuna kayankipaq. Lapanpaq munayyuq Tayta Dios karmi sayno nï>>.

Jesucristupis Belialwan manami tantiyanakuyansu. Saynölami Jesucristuta chaskikuqkunawan mana chaskikuqkunapis tantiyanakuyansu.