Popular Bible Verses from Filipenses 3

Share

Yë'ë cato Maija'quë do'ijë, ja̱ pa'iye ja̱ yë'ta'a ti̱'ama'quë a'ë, ti̱'asi'i caquë yo'oquëta'a. Ja̱je pa'ina, ti̱'asi'i caquë jeteyo'je nëañere hua̱nëyei jeto i̱ti se̱ña hue̱'ña pa'iyere tutu yo'oyë. Yo'oquë Cristo Jesús ja̱'re tsioni pa'i do'ire Diusu ma'tëmopi soi hue̱'ñana i̱ coa i̱siyere pa̱ja'quëpi yo'oyë.

Yë'ë cato Cristo pa'iyere asa ti̱'añere yëyë, i̱ ju̱'isiquëpi huëisi tutupi yë'ëni pa'ina, asayere yëyë. Cui'ne i̱ ai yo'ose'e ayere yo'oye yëyë. I̱je pa'i pa'iyere yëyë, pa̱ire oi ju̱'ise'ena ti̱'aquë. Pa̱i ju̱'isicohua'i huëni pa'iyere ti̱'asi'i caquë yo'oyë.

Ja̱je pa'ina, yë'ë Ëjaë Jesucristo pa'iyere jerepa pa'yere asaquë co̱ni ñato, jerepa do'i peoye pa'iji. Ja̱je pa'ina, Cristoni jerepa ja'ye tsioni pasi'i caquë si'aye coa co'aye ñañë, nejose'eje̱ pa'ye.

Ja̱je pa'iquëta'are Cristo do'ipi yure cato ti do'i peoye ñañë, ja̱'në yë'ë i̱tire pa'ë cuasase'ere.