Popular Bible Verses from Filipenses 4

Share

Si'aye tëto saitoje̱ co'a ju̱'ijë oima'pë pa'ijë̱'ë. Coa ai jerepa Maija'quëni se̱jë de'oji cajë pëpajë si'aye mësaru yëyere i̱ñojë'ë, Maija'quëna, i̱te se̱ maca.

Ja̱je yo'ojëna, Maija'quëpi mësarute i̱ jo'cua de'oye pa'iyere i̱sija̱'quë api, mai asa ti̱'añe peoyere pare. I̱sina, iye jo'cua de'oye pa'iyepi mësaru joñoa cui'ne mësaru cuasajë pa'iye de'oye ñacasipi, Cristo Jesús do'ipi.

Tëjiyerepa cayë, mësarute. Maija'quë do'ijë, nuñere pare cuasajë̱'ë, yecohua'ipi Ëjaëre ñajëna pa'iyere, i̱tire pare de'oyere pare sihuajë ñañere, dëoye ca cua̱ñoñere. Si'aye de'oyere cuasajë̱'ë, yecohua'i sihuajë de'oye cacaiyere.

Ja̱je pa'ina, coa si'aye quëcoquë ne ti̱'añe payë, Cristo tutupi co̱caina.

Si'anë mai Ëjaëni sihuajë̱'ë. Ti̱jupë cayë, sihuajë̱'ë, i̱ni.

Yë'ë Diusupi mësarute si'aye caraye i̱sija̱'quë api, Cristo Jesús do'ipi. I̱ jaiye de'oyere pare payeje̱ pa'ye i̱sisipi.

Ja̱je pa'ina, yë'ë ye'yase'ere, yë'ë mësarute quëase'ere, yë'ë caquëna, asase'ere cui'ne yë'ë yo'oquëna, ñase'ere ja̱re yo'ojë̱'ë. Ja̱je yo'ojëna, Diusu jo'cua de'oye pa'iye i̱siquëpi mësaru ja̱'re co̱ni pasipi.

Ja̱je pa'ina, si'aohua'i mësarute de'o pa̱ire pa'ë cajë ñajajë mësarupi quëcojë de'oye yo'ocohua'i pa'ijë̱'ë. Mai Ëjaë ja'yere pa'iji.

Co'amaña peoquëna, pa'iyere jaiye co'amaña payere ti̱mësiquë pa'iyere, a̱i ëa ju̱'iñere, tëto saise'erepa payere, cui'ne peoquëna pa'iyere, coa si'aye tëto sai ye'yesiquë a'ë.

Cama'ë pa'iyë, co'amañapi peoquëna, pa'iyë caquë. Yë'ë cato yë'ë payere sihuaquë pa'iyere ye'yesiquë a'ë.