Popular Bible Verses from 1 Juan 5

Share

Tuꞌn ikyjo, at-xix qꞌuqbꞌil qkꞌuꞌj tiꞌj, quꞌn bꞌiꞌn quꞌn, qa ma txi qqanin jun tiꞌ te toj qnaꞌj Dios, a tzeꞌnkuxjo tajbꞌil, ok qo tzajil tbꞌiꞌn.

Ex ikyxjo tzeꞌnkuꞌ bꞌiꞌn quꞌn, ntzaj tbꞌiꞌn Diosjo a qnaꞌj Dios, ex bꞌiꞌn quꞌn, qa ntzaj tqꞌoꞌn a nxi qqanin te.

Atzin tuꞌn kykubꞌ nimitjo tnukꞌbꞌil; ex ayetziꞌn tnukꞌbꞌil, nya jun iqtzqe. Quꞌn tkyaqiljo a o tzꞌok te tkꞌwal Dios, kꞌwel tiꞌjjo tkyaqil nya bꞌaꞌn tuꞌn, tzeꞌnku qe, noq tuꞌn qnimbꞌil tiꞌj, o kubꞌ tiꞌjjo tkyaqil nya bꞌaꞌn quꞌn.

Tkyaqiljo kꞌwel niminte Tkꞌwal Dios, at te chwinqil te jun majx, ex tkyaqiljo a mi nkubꞌ niminte, ntiꞌ teꞌ chwinqil te jun majx.

Atzin jaꞌlin, ma kyij ntzꞌibꞌinjiꞌy uꞌj luꞌn te kyeꞌy, a ayiꞌy o chi nimiꞌn tiꞌj Jesús, a Tkꞌwal Dios, tuꞌnxixsin tel kynikyꞌa tiꞌj, qa at kychwinqila te jun majx.

Atzin jaꞌlin, bꞌiꞌn quꞌn, qa kykyaqiljo tkꞌwal Dios, a o chi nimin tiꞌj, mi nchi bꞌetl toj il, quꞌn ate Jesús nkolin kyiꞌj. Ex tuꞌn ikyjo, nlay chi ok tzyuꞌn tuꞌn tajaw il.