Popular Bible Verses from Doma 13

Share

Adec tabadenquio icquin Nuquin Icbo Esuquidistu tantiaquiec aid tabadacpadquiec bëdambuec tabadnuna. Adquid icquin nuqui bunacpadombuenuidi icsambuen nainquio icnuna.

Aidted bedshun mibi meneuanun nanu, quequin bedenda. Aden nainquio yec utsibobëd tantiananta. Adec utsibobëd bëdambuec tantiananquin Nuquin Papan: Naden nata, quequin Moises chiampicpadombuen nuqui bëdambuen naindac.

Aton matsesën chuiquid tapan chiacpadombuen abitedishun naquid. Aido Nuquin Papan chuiquid tapa icmiaido nec. Aidëmbidi chuiquid tapa icmeshun utsi utsiec yacno tabëcaido iquec.

Nëbien Esus choec, quequin tantiaquin icsambuen nainquio yec bëdambuec tabadnuna. Sondado: Senushe, quiash tsasimbocquid dasiuidacbimbuen icsamianquidën iuanushe, queshun nuqui icsambuen naid ënshun bëdambuen tantianuna.

Adec utsibo tantiaquidquio icquin mimbi utsibo icsa uatiapimbo iquendac. Adec utsibobëd tantiananquin Nuquin Papan chiampicpaden mimbi naindac.

Chuiquid tapan: Piucquid bec cho. Nacnenmenu, cacpadombuen aidën chiactedi meneta. Min chuiquidon chiacpadombuen naquin bëdambuen ista.