Naden mibitedi tantiaquin ënenquio icquin Nuquin Papa chiannembi. Tesadonica yacnocquido bëdambuen namequid yec mibi bëdamboshë iquec, Papa. Aidon Esus tantiaquin mimbi chiacpadombuen matses tantiaquin nashumbanondash, Papa, quequin Nuquin Papa chiannembi. Abi yacno abi tantiaquido buannuec Nuquin Icbo Esuquidistu padpidec choec, quesho utsibon chieshënaqui chieshtoenquio icquin Esusën naid abi chuibanondash, quequin ubëd icquidobëtan ënenquio icquin mibitedi tantiembi.