Popular Bible Verses from Hebreu 13

Share

Riko nỹtĩ sór tũg nĩ gé. Ãjag tỹ nén vég mũ ẽn vỹ há nĩ. Topẽ vỹ ẽg mỹ: “ãjag kã jatu' henh ke tũ pẽ sóg nĩ. Ãjag ki sóg rĩr nĩ nĩ,” he mũ.

Jesus Cristo hã vỹ tũ' henh ke tũ nĩ. Ti tỹ vãsỹ nén to jykrén mũ ẽn hã han ti tĩ, ũri. Kỹ tóg kurã krỹg ja tũ nĩ gé.

Hã kỹ: “ẽg jóg mág vỹ inh ki rĩr ke mũ,” hem nĩ. “Ti hã kamẽg isóg mũ. Ẽprã ke ũ vỹ inh vóg ke tũ pẽ nĩ, ti tỹ inh ki rĩr nĩn kỹ,” hem nĩ, Topẽ vĩ kri fi kỹ.

Jagnẽ ki rĩrm nĩ gé, jagnẽ mré nén kar han kỹ. Tag to krónh ke tũg nĩ gé. Ẽg tỹ Topẽ mỹ nén ũ pũn ri ke ti nĩ. Ẽg tỹ ti mỹ presente han ri ke ti nĩ, ẽg tỹ jagnẽ ki rĩr ti, kỹ tóg ti mỹ sér tĩ.

Ẽg tỹ Jesus tugrĩn Topẽ mỹ vĩ há han kỹ tóg há tĩ. Ẽg tỹ nén vég mũ kar to ẽg tóg ti mỹ: “ẽg mỹ tóg há tĩ. Ẽg mỹ tóg sér tĩ,” henh ke mũ. Ẽg tỹ ti mỹ nén ũ pũn ri ke tóg nĩ, presente ri ke tóg nĩ, ẽg vĩ tag.

Ũ prũ fi to én tũg nĩ, ũ mén to én tũg nĩ gé. Ãjag prũ nỹtĩn kỹ fi hã mré nỹ sórm nĩ, ãjag mén nỹtĩn kỹ ti hã mré nỹ sórm nĩ gé. Topẽ vỹ, ũ tỹ vẽjykre kórég han mũ ẽn ag to jũnh ke mũ, fag to ke gé.

Ũ tỹ kuvar há tá ãjag to pasa kỹ ti mỹ: “inh mré jẽg,” hem nĩ. Ẽg jo ke ũ ag tóg, ag tỹ ũ ag mỹ: “inh mré jẽg,” hen kỹ Topẽ tỹ jẽnẽ jafã ag hã mỹ ke ja nĩgtĩ, ag tỹ ag ki kagtĩg hã ra.

Topẽ mré sóg vẽmén tĩ ãjag to. Ẽg krĩ kuprãg ti tĩ. Kỹ tóg Jesus ti rĩn mãn ja nĩ gé, ti tỹ ẽg jagfy ter kar kỹ. Kỹ tóg ũ tỹ mé ki rĩr tĩ ẽn ri ke nĩ. Hã ra tóg ẽn kãfór nĩ gé, ti tỹ ẽg ki rĩr há han nĩn kỹ. Ẽg mỹ tóg vẽjykre tãg ẽn nĩm ja nĩ, ũ tỹ tũ' he vãnh ẽn. Topẽ hã mỹ sóg to vĩ tĩ, ti tỹ ãjag tar han jé, ãjag tỹ nén ũ tỹ ti mỹ há nĩ ẽn hã han jé. Ti hã vỹ Jesus Cristo mỹ: “ag tar han nĩ,” he ja nĩ. Kỹ tóg tũ' henh ke tũ nĩ, ẽg tỹ ti mỹ vĩ há han ke ti. Hã vẽ.