Popular Bible Verses from Hebreu 10

Share

Ũ ag tóg culto venh kãmũ vãnh nỹtĩgtĩ. Tag han tũg nĩ. Culto venh kãmũm nĩ. Kỹ jagnẽ jyvẽn nĩ, ãjag tar nỹtĩ jé. Ti kãtĩg mãn ke kurã vỹ kakó nĩ. Ve há ti tĩ ha, tag.

Jagnẽ mĩ ẽkrén nĩ, ãjag tỹ jagnẽ jyvẽn jé. “Vẽnh kar to há nĩm nĩ,” hem nĩ jagnẽ mỹ. “Nén ũ há kar han nĩ,” hem nĩ gé jagnẽ mỹ.

Ti tỹ ẽg mỹ nén tó mũ ẽn mĩ ẽkrén nĩ. To krónh ke tũg nĩ, sỹ ãjag mỹ nén tó mũ ẽn to. Ve jé ẽg tóg ke mũ, ti tỹ ẽg mỹ nén tó mũ ẽn ti. Ũ tỹ ẽg mỹ tó ja ẽn vỹ, ón vãnh nĩgtĩ. Hã kỹ to krónh ke tũg nĩ.

Ẽg tỹ ti tũ han to tar nỹtĩnh ke vẽ. Ẽg tỹ ti tovãnh sór ke tũ pẽ vẽ. Tag hã vỹ há nĩ. Kỹ ãjag tỹ Topẽ tỹ ẽg mỹ nén tó mũ ẽn han kãn kỹ nỹtĩn kỹ ãjag tóg venh ke mũ, ti tỹ ẽg mỹ nén ũ ven ke mũ ẽn ti.

Kỹ jatun mỹ Topẽ mré vẽmén nĩ. Ti ki rã há han nĩ. Ãjag fe tỹ ti ki gem nĩ, ãjag tỹ ti nĩgja tá junjun jé. Ón kỹ ti ki ge sór tũg nĩ. Ẽg jykre pãno kar tỹ tóg tũ' hé, ẽg tỹ to jykrén mãn tũ nĩ jé. Ẽg jãnhkri han tóg, ẽg tỹ goj jãpri tỹ vẽnh kype ẽn ri ke. Kỹ ẽg há nỹtĩ.

Kỹ ũri to krónh ke tũg nĩ gé. Ãjag tỹ ti to tar nỹtĩn kỹ ãjag tóg nén ũ há tãvĩ venh ke mũ, ha mẽ. Ãjag vẽsỹrénh ja ẽn kaja ri ke ve jé ãjag tóg ke mũ.

Ha vé, Topẽ vĩ mẽ kãn ẽg huri. Ẽg tỹ ti ki rã kar kỹ culto venh kãtĩ tũ nĩ' he kar Topẽ vĩ mranh sór kỹ mranh kỹ ũ tỹ ẽg jagfy kajãm mãn ke tóg tũ tĩ. Hỹ, ẽg tỹ mranh sór kỹ mranh kỹ Topẽ vỹ, ẽg vóg kónãn pẽ han ke mũ. Pĩ tỹ tóg ag tỹ tũ' henh ke mũ, ũ tỹ ti kato vãsãnsãn mũ ag.