Popular Bible Verses from Apocalipsis 19

Share

Chisahokꞌ taxak saꞌ kachꞌo̱l. Chikaqꞌue xlokꞌal li Ka̱cuaꞌ xban nak xcuulac xkꞌehil lix sumlajic li Jun li chanchan carner. Li ixakilbej ac xcauresi rib.

Tzꞌi̱banbil xcꞌabaꞌ chiru li rakꞌ ut chiru li raꞌ. Aꞌan aꞌin lix cꞌabaꞌ: Li Rey li kꞌaxal nim xcuanquil saꞌ xbe̱neb chixjunileb li rey. Li Ka̱cuaꞌ, li kꞌaxal nim xcuanquil saꞌ xbe̱neb chixjunileb li nequeꞌtaklan.

Ut teto li choxa nak quicuil. Quicuil jun li cacua̱y sak rix. Ut lix cꞌabaꞌ li cꞌojcꞌo chirix li cacua̱y, aꞌan “Tzꞌakal Dios” ut “Ti̱c Xchꞌo̱l”, xban nak aꞌan saꞌ ti̱quilal ta̱rakok a̱tin ut saꞌ ti̱quilal ta̱pletik.

Lix nakꞌ ru chanchan xam. Nabal li corona cuan saꞌ xjolom ut tzꞌi̱banbil lix cꞌabaꞌ chiru. Abanan ma̱ ani nataꞌoc ru. Caꞌaj cuiꞌ aꞌan. Cuan quicꞌ chiru li rakꞌ ut lix cꞌabaꞌ aꞌan “Ra̱tin li Dios”.

Li Ti̱c Xchꞌo̱l cuan jun li kꞌesnal chꞌi̱chꞌ saꞌ re, re xsachbal xcuanquileb li xni̱nkal ru tenamit. Cau ta̱takla̱nk saꞌ xbe̱neb. Chanchan riqꞌuin jun xukꞌ chꞌi̱chꞌ tixtaklaheb. Chanchan nak nayatzꞌeꞌ li ru li uvas nak ta̱rakok a̱tin saꞌ xbe̱neb riqꞌuin xjoskꞌil li Dios.

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.