Popular Bible Verses from Apocalipsis 14

Share

Ut quicuabi jun yo̱ chi a̱tinac saꞌ choxa ut quixye cue: —Tzꞌi̱ba li a̱tin aꞌin: Chalen anakcuan us xak reheb li nequeꞌcam, li ac xeꞌxpa̱b li Ka̱cuaꞌ. Ya̱l. Us xak reheb, chan li Santil Musikꞌej, xban nak teꞌhila̱nk chixba̱nunquil li cha̱bil cꞌanjel li ac xeꞌxba̱nu ut teꞌxcꞌul xkꞌajca̱munquil.

Joꞌcan nak cauhakeb taxak xchꞌo̱leb li ralal xcꞌajol li Dios, eb li nequeꞌba̱nun re lix chakꞌrab li Dios ut nequeꞌpa̱ban saꞌ xcꞌabaꞌ li Jesucristo. Incꞌaꞌ taxak ta̱chꞌina̱nk xchꞌo̱leb saꞌ xpa̱ba̱leb.

Yo̱ chixyebal chi cau xya̱b xcux: —Chexucua̱k ru li Dios ut cheqꞌue xlokꞌal xban nak xcuulac xkꞌehil nak ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chelokꞌonihak aꞌan li quiyi̱ban re li choxa, li ruchichꞌochꞌ, ut li palau joꞌqueb ajcuiꞌ li yuꞌam haꞌ, chan.

Ut quicuil li rox ángel, yo̱ chixta̱kenquil li cuib chic. Li jun aꞌin yo̱ chixyebal chi cau xya̱b xcux: —Li ani tixlokꞌoni li joskꞌ aj xul malaj ut lix jalam u̱ch, ut tixcꞌul li retalil saꞌ xpe̱quem malaj chi rukꞌ, aꞌan tixcꞌul nabal li raylal nak li Dios ta̱rakok a̱tin saꞌ xbe̱neb riqꞌuin xjoskꞌil. Chiruheb li santil ángel ut chiru li Jun li chanchan carner ta̱rahobtesi̱k riqꞌuin azufre yo̱ xxamlel nak ta̱qꞌuehekꞌ chixtojbal rix lix ma̱c. Junelic kꞌe cutan yo̱keb chi cꞌuluc raylal li nequeꞌxlokꞌoni li joskꞌ aj xul malaj ut lix jalam u̱ch, li queꞌxcꞌul li retalil lix cꞌabaꞌ saꞌ xpe̱quemeb malaj chi rukꞌeb. Chi kꞌek chi cutan yo̱keb chi cꞌuluc raylal, chan.

Ut quin-iloc cuiꞌchic ut quicuil nak aran saꞌ xbe̱n li tzu̱l Sión xakxo li Jun li chanchan carner. Ut rochben aꞌan cuanqueb ca̱hib xcuakxakcꞌa̱l mil (144,000) chi cristian. Saꞌ xpe̱quemeb tzꞌi̱banbil lix cꞌabaꞌ li Jun li chanchan carner ut tzꞌi̱banbil ajcuiꞌ xcꞌabaꞌ lix Yucuaꞌ.

Ut quicuil jun chic li ángel yo̱ chi rupupic chiru choxa. Yo̱ chixyebal jun esilal li ma̱cꞌaꞌ rosoꞌjic reheb chixjunileb li cuanqueb saꞌ ruchichꞌochꞌ aꞌ yal ani xte̱paleb lix xeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Jun chic li ángel yo̱ chi ta̱ke̱nc re ut yo̱ chixyebal: —Ac xsacheꞌ xcuanquil li nimla tenamit Babilonia. Ac xsacheꞌ ru li tenamit. Aꞌan li quicꞌamoc xbeheb chixjunileb li tenamit chi ma̱cobc. Chanchan nak quixcaltesiheb nak quixqꞌueheb chixba̱nunquil li ma̱usilal, chan.