Popular Bible Verses from Apocalipsis 11

Share

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Cꞌajoꞌ nak queꞌjoskꞌoꞌ li tenamit li xicꞌ nequeꞌiloc a̱cue. Abanan xcuulac xkꞌehil nak ta̱cꞌut la̱ joskꞌil chiruheb. Xcuulac xkꞌehil nak tatrakok a̱tin saꞌ xbe̱neb li camenak. Ut ta̱qꞌueheb xkꞌajca̱munquileb laj cꞌanjel cha̱cuu li queꞌyehoc resil li cꞌaꞌru ta̱cꞌulma̱nk. Ut ta̱qꞌueheb ajcuiꞌ xkꞌajca̱munquileb laj pa̱banel li queꞌqꞌuehoc a̱lokꞌal, usta cuanqueb xcuanquil usta ma̱cꞌaꞌ. Ut la̱at ta̱sach ruheb li queꞌba̱nun raylal reheb li cuanqueb saꞌ ruchichꞌochꞌ, chanqueb.

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.

Ut quicuil ajcuiꞌ nak ac xnumeꞌ li oxib cutan riqꞌuin jun cuaꞌleb, queꞌyoꞌobtesi̱c cuiꞌchic li cuib chi cui̱nk xban li Dios ut queꞌxakli cuiꞌchic chi yoꞌyo chiruheb li tenamit. Ut cꞌajoꞌ nak qui-oc xxiuheb li queꞌiloc reheb.

Eb li cuib chi cui̱nk aꞌin qꞌuebileb xcuanquil chixba̱nunquil re nak incꞌaꞌ tixqꞌue li hab chiruheb li cutan nak yo̱keb chixyebal li cꞌaꞌru ta̱cꞌulma̱nk. Ut cuanqueb xcuanquil re xsukꞌisinquil li haꞌ chokꞌ quicꞌ ut cuanqueb ajcuiꞌ xcuanquil re xrahobtesinquileb li cuanqueb saꞌ ruchichꞌochꞌ riqꞌuin chixjunil li raylal aꞌ yal jarub sut teꞌraj xba̱nunquil.

Chiru li Ka̱cuaꞌ li cuib chi cui̱nk aꞌin chanchanakeb li cuib chi cheꞌ olivo ut chanchanakeb li cuib chi candelero li cuanqueb chiru li Dios, laj e̱chal re li ruchichꞌochꞌ. () Ut cui ani ta̱ajok xrahobtesinquileb, chanchan xam li ta̱e̱lk saꞌ reheb li cuib chi cui̱nk xban nak yal riqꞌuin li ra̱tineb teꞌca̱mk li xicꞌ nequeꞌiloc reheb. Joꞌcaꞌin nak teꞌca̱mk li ani teꞌajok re xrahobtesinquileb li cuib chi cui̱nk aꞌin.