Popular Bible Verses from Apocalipsis 10

Share

Nak tixya̱basi lix trompeta li xcuuk ángel, saꞌ eb li cutan aꞌan ta̱tzꞌaklok ru lix cꞌaꞌux li Dios, li mukmu nak quicuan. Ta̱tzꞌaklok ru joꞌ quixye reheb li profeta li queꞌcꞌanjelac chiru, chan.

Quixye cue: —Tenebanbil saꞌ a̱be̱n la̱at xyebal resil li cꞌaꞌru ta̱cꞌulma̱nk. Toj ta̱ye cuiꞌchic resil cꞌaꞌru teꞌxcꞌul eb li tenamit, joꞌ ajcuiꞌ li xni̱nkal ru tenamit joꞌ ajcuiꞌ lix reyeb. Ta̱ye ajcuiꞌ resil li cꞌaꞌru teꞌxcꞌul saꞌ eb li tenamit li jalan jala̱nk ra̱tinoba̱leb.

Quicuil nak quichal jun chic li ángel cau rib. Yo̱ chak chi cubec saꞌ choxa sutsu saꞌ chok. Ut lix jolom sutsu xban jun li xo̱quikꞌab. Li riloba̱l nalemtzꞌun joꞌ li sakꞌe ut li rok chanchan jun okech yo̱ xxamlel.

La̱in co̱in riqꞌuin li ángel ut quinye re nak tixqꞌue cue li chꞌina hu. Ut aꞌan quixye cue: —Cueꞌ. Chap li hu ut ta̱nukꞌ. Saꞌ a̱cue quiꞌak joꞌ xquiꞌal lix yaꞌal cab, abanan cꞌahak saꞌ la̱ saꞌ, chan cue. Quincꞌul li chꞌina hu saꞌ rukꞌ li ángel ut quinnukꞌ. Nak cuan saꞌ cue chanchan xquiꞌal li xyaꞌal cab. Ut nak ac xinnukꞌ quicꞌahoꞌ saꞌ lin saꞌ xban.