Popular Bible Verses from Filipenses 4

Share

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

Ut li Dios ta̱qꞌuehok e̱re li tuktu̱quil usilal. Aꞌan kꞌaxal lokꞌ chiru chixjunil li cꞌaꞌru nakacꞌoxla la̱o. Ut li tuktu̱quil usilal li naxqꞌue li Dios tixcꞌojob le̱ chꞌo̱l ut tixtukub le̱ cꞌaꞌux xban nak junajex chic riqꞌuin li Cristo.

Ut anakcuan, jun chic nacuaj xyebal e̱re. Aꞌan aꞌin: junelic chexcꞌoxlak chirix li cꞌaꞌru ya̱l ut li cꞌaꞌru cha̱bil. Chexcꞌoxlak chirix li ti̱quilal, li santilal, ut li usilal. Junelic chexcꞌoxlak chirix li kꞌaxal cha̱bil ut li naru naxqꞌue xlokꞌal li Dios.

La̱in nincuy xnumsinquil chixjunil li raylal xban nak li Cristo naxqꞌue xcacuilal inchꞌo̱l re nak tincuy xnumsinquil.

Chisahokꞌ taxak saꞌ e̱chꞌo̱l chi junelic xban nak junajex chic riqꞌuin li Ka̱cuaꞌ. Ut jun sut chic tinye e̱re: Chisahokꞌ taxak saꞌ e̱chꞌo̱l.

Lin Dios, aꞌan aj e̱chal re chixjunil ut kꞌaxal nim lix lokꞌal. Tixqꞌue e̱re chixjunil li napaltoꞌ e̱re saꞌ xcꞌabaꞌ li Jesucristo.

Ut chixjunil li cꞌaꞌru xinye e̱re ut li cꞌaꞌru xinba̱nu che̱ru, aꞌan ajcuiꞌ te̱ba̱nu la̱ex. Chetzol e̱rib cuiqꞌuin ut cheba̱nu joꞌ ninba̱nu la̱in. Ut li Ka̱cuaꞌ Dios li naqꞌuehoc tuktu̱quil usilal ta̱cua̱nk e̱riqꞌuin.

Junelic chexcua̱nk saꞌ tu̱lanil re nak chixjunileb teꞌxqꞌue retal le̱ cha̱bilal. Ut chijulticokꞌ ajcuiꞌ e̱re nak chi se̱b ta̱cha̱lk li Ka̱cuaꞌ.

Xincꞌay chi cuan chi ma̱cꞌaꞌ cꞌaꞌru cue ut xincꞌay ajcuiꞌ chi nabal cꞌaꞌru cue. Ac ninnau chanru li cua̱nc. Sa saꞌ inchꞌo̱l nak cuan incua ut sa ajcuiꞌ saꞌ inchꞌo̱l nak ma̱cꞌaꞌ incua. Cꞌaynakin chi cua̱nc chi sa saꞌ inchꞌo̱l usta cuan nabal cꞌaꞌru cue, usta ma̱cꞌaꞌ.

Incꞌaꞌ yo̱quin chixyebal aꞌin e̱re xban nak cuan li cꞌaꞌru nacuaj. Ac xintzol cuib chi cua̱nc chi cꞌojcꞌo inchꞌo̱l riqꞌuin joꞌ nimal joꞌ chꞌinal cuan cue.